Plantun de Prouvènço

Pèr coumpara dos planto d'encò nostre

Polypodium interjectum & Torilis arvensis subp. arvensis

fotò
fotò
Poulipòdi(-mejansié)

Polypodium interjectum

Polypodiaceae

Nom en français : Polypode intermédiaire.

Descripcioun :
Aqueste poulipòdi-mejansié trachis dins li roucas séusous souto li bos o dins li gaudre, valènt à dire dins de relarg umide. Se dis mejansié pèr-ço-qu'es un pau entre Polypodium cambricum e Polypodium vulgare. Pamens fai de foundo mai grando e toujour dous cop mai longo que larjo. Après, au contro de P. cambricum, a de soro sènso péu (parafiso). Pèr la bèn destria fau regarda lis espourange au microuscope (x 100) pèr verifia que i'ague pas mai de 10 celulo à l'assiso mecanico.

Usanço :
Couneissèn pas d'usanço particuliero pèr aquelo planto. Fabrico d'acide filicinico ço que ié douno uno óudour de champignoun. Escriéure au site se n'en sabès mai.

Port : Pichoto planto lignouso
Taio : 15 à 30 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Polypodium
Famiho : Polypodiaceae


Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Autouno - Ivèr

Sòu : Si
Autour basso e auto : 0 à 1700 m
Aparado : Noun
Setèmbre à mars

Liò : Roucas - Gaudre
Estànci : Mesoumediterran à Mountagnard
Couroulougi : Éurasiatico
Ref. sc. : Polypodium interjectum Shivas, 1961

fotò
fotò
Tourilis(-de-champ)

Torilis arvensis subp. arvensis

Apiaceae Umbelliferae

Nom en français : Torilis des champs.

Descripcioun :
Aquéu Torilis, proun coumun, a si brout (oumbello) sènso bratèio e pourta pèr uno longo cambo (cuberto de péu blanc). La darriero partido de la fueio èi mai longo peréu. Li fru soun cubert de pouchoun courouna de crouchet. Aquesto subsp. se recounèis à si petalo dóu deforo courteto (< 1,5 mm) emé de brout caupan de 3 à 7 raioun.

Usanço :
Se counèis pas d'usanço particuliero pèr aquelo planto.

Port : Grando erbo
Taio : 0,15 à 0,7(2) m
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Torilis
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun

Liò : Champ - Tepiero seco - Escoumbre e proche dis oustau
Estànci : Mesoumediterran à Coulinen
Couroulougi : Pancaro entresigna
Ref. sc. : Torilis arvensis subp. arvensis (Huds.) Link, 1821

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
CC
C
CC
C
R
R
RR
RR

Polypodium interjectum & Torilis arvensis subp. arvensis

R
RR
C
R
RR
C
CC
CC

Coumpara Poulipòdi(-mejansié) emé uno autro planto

fotò

Coumpara Tourilis(-de-champ) emé uno autro planto

fotò